Ժաիր Բոլսոնարոն կկանգնի դատարանի առջև
Բրազիլիայի նախկին նախագահ Ժաիր Բոլսոնարոն կկանգնի դատարանի առաջ՝ հեղաշրջման փորձի մեղադրանքով, հայտնում է Reuters-ը։
Համապատասխան որոշումը կայացրել է երկրի Գերագույն դատարանը։
Մարտի 26-ի նիստում դատավորները որոշեցին, թե արդյոք դատախազության առաջադրած մեղադրանքները բավարար են քրեական գործ հարուցելու համար, և միաձայն եկան դրական պատասխանի։
Բոլսոնարոյի հետ միասին դատարանի առաջ են կանգնելու ավելի քան 30 մարդ, որոնց մեղադրող կողմը համարում է նրա հանցակիցներ։
