Գրենլանդիան մեզ պետք է. մենք պետք է ստանանք այն. Թրամփ
ԱՄՆ նախագահ Դոնալդ Թրամփը հայտարարել է, որ ամերիկացի քաղաքական գործիչները այս շաբաթ կայցելեն Գրենլանդիա՝ ցույց տալու համար, որ ԱՄՆ-ը կղզու կարիքն ունի միջազգային անվտանգության համար:
«Որպեսզի նրանք հասկանան, որ մեզ անհրաժեշտ է Գրենլանդիան միջազգային անվտանգության համար: Մեզ դա պետք է, մենք պետք է ստանանք այն», - ասել է նա Vince փոդքաստում` պատասխանելով պատվիրակության այցի նպատակի մասին հարցին:
ԱՄՆ նախագահը նշել է, որ չգիտի՝ արդյոք Գրենլանդիայի բնակիչները ցանկանում են դառնալ ԱՄՆ քաղաքացի։ Միաժամանակ նա կարծում է, որ իրենք պետք է համոզվեն, որ Միացյալ Նահանգներին միանալը լավ գաղափար է։
Ավելի վաղ հաղորդվել էր, որ այս շաբաթ հինգշաբթիից շաբաթ կղզի կժամանի ամերիկյան պատվիրակությունը՝ ներառյալ ԱՄՆ փոխնախագահի կինը՝ Ուշա Վենսը, ինչպես նաև ԱՄՆ ազգային անվտանգության հարցերով խորհրդական Մայք Ուոլցը և էներգետիկայի նախարար Քրիս Ռայթը։ Երեքշաբթի հայտարարվեց, որ պատվիրակությանը կմիանա նաեւ ինքը՝ փոխնախագահ Ջ.Դ.Վենսը։
Ե՛վ կղզին, և՛ Դանիան, որին այն պատկանում է, գալիք այցը դիտեցին որպես ԱՄՆ-ի կողմից ճնշում:
