Ֆրանսիան Ուկրաինային լրացուցիչ 2 միլիարդ եվրո ռազմական օգնություն կտրամադրի. Մակրոն

Ֆրանսիան Ուկրաինային լրացուցիչ 2 միլիարդ եվրո ռազմական օգնություն կտրամադրի։ Այս մասին, Le Monde-ի փոխանցմամբ, ասել է Երկրի նախագահը Էմանուել Մակրոնը։

«Մենք պետք է շարունակենք անհապաղ օգնություն ցուցաբերել Ուկրաինային, անհրաժեշտ է, որ դիմադրությունը շարունակվի»,- ընդգծել է Էմանուել Մակրոնը։ 

«Ես հայտարարել եմ հավելյալ 2 միլիարդ եվրոյի մասին (...) Milan հակատանկային հրթիռների, հակաօդային պաշտպանության համակարգերի, ինչպիսիք են MICA հրթիռները, որոնցով հագեցած են նախկինում մատակարարված Mirage ինքնաթիռները, և Mistral զենիթահրթիռային համալիրների մատակարարման համար։ Բացի այդ, մենք զարգացած համագործակցություն ունենք արբանյակային կապի և հետախուզության ոլորտներում»,- ասել էն նա։

Ըստ Էմանուել Մակրոնի՝ Ֆրանսիան ունի «իր պահեստներում առկա ռեսուրսներ»՝ Ուկրաինային ռազմական աջակցության համար։

Վլադիմիր Զելենսկու հետ մամուլի ասուլիսի ժամանակ Էմանուել Մակրոնը վստահեցրել է, որ Ֆրանսիան դեռևս ունի զենքի «մատչելի և պատրաստի ռեսուրսներ»։