Իրանը ստացել է Թրամփի նամակը

ԱՄԷ նախագահի դիվանագիտական ​​հարցերով խորհրդականը Իրանի արտգործնախարար Աբբաս Արաղչիին է փոխանցել ԱՄՆ նախագահ Դոնալդ Թրամփի նամակը:

Այդ նամակը ուղղված է Իսլամական Հանրապետության գերագույն առաջնորդ այաթոլլա Ալի Խամենեին։

«Թեհրանում հանդիպման ընթացքում կողմերը մտքեր են փոխանակել երկկողմ հարաբերությունների, տարածաշրջանային և միջազգային բնույթի հարցերի շուրջ: Անվար Գարգաշը հանձնել է ԱՄՆ նախագահի նամակը», - ասվել է Իրանի ԱԳՆ հաղորդագրության մեջ:

Արաղչին ընդգծել է տարածաշրջանի երկրների միջև համագործակցության ամրապնդման կարևորությունը՝ Մերձավոր Արևելքի երկրների շահերն ապահովելու համար:

Գարգաշն ասել է, որ ԱՄԷ-ն պատրաստ է զարգացնել հարաբերությունները Իրանի հետ։