ՆԱՏՕ-ի զորքերի ներկայությունը սպառնալիք կլինի ՌԴ-ի համար. Լավրով

Ռուսաստանի և ԱՄՆ-ի շահերը երբեք նույնական չեն լինի, դրանք չեն կարող համընկնել նույնիսկ 50%–ով: Այս մասին հայտարարել է ՌԴ ԱԳ նախարար Սերգեյ Լավրով

«Իսկ երբ շահերը, այնուամենայնիվ, համընկնում են, կողմերը պետք է ամեն ինչ անեն այդ «նմանությունները» զարգացնելու համար՝ դրանք գործնականում մարմնավորելով»,– ամերիկացի բլոգերներին տված հարցազրույցում ասել է նա:

Լավրովը նաև ասել է, որ Ուկրաինայի տարածքում ՆԱՏՕ-ի զորքերի ներկայությունը ցանկացած դրոշի ներքո և ցանկացած որակով, այդ թվում՝ խաղաղապահ, սպառնալիք կլինի Ռուսաստանի համար։

Նա նշել է, որ Ռուսաստանը գիտի` ինչպես կարելի է խուսափել Ուկրաինայի հարցում այնպիսի փոխզիջումից, որը կվտանգի մարդկանց ճակատագիրը։