ԱՄՆ-ն ցանկանում է Իրանի հետ նոր միջուկային գործարք կնքել. Լավրով

ԱՄՆ-ն ցանկանում է Իրանի հետ նոր միջուկային գործարքը կապել Մերձավոր Արևելքում մի շարք խմբավորումներին երկրի կողմից չաջակցելու պահանջի հետ, սակայն այդ տարբերակը չի աշխատի։ Այս մասին ասել է Ռուսաստանի ԱԳ նախարար Սերգեյ Լավրովը։

«Մտահոգիչ է, որ կան որոշ նշաններ, որ ամերիկացիները կցանկանային, որ այս նոր գործարքն ուղեկցվեր քաղաքական պայմաններով, որոնց համաձայն Իրանը պարտավորվում է ստուգումներ անցնել, որոնք հաստատում են, որ ինքը չի աջակցում խմբավորումներին Իրաքում, Լիբանանում, Սիրիայում և այլուր:

Դա չի նշանակում, որ ԱՄՆ-ն չի ցանկանում, որ այս նոր գործարքը տեղի ունենա։ Չեմ կարծում, որ նման տարբերակը կաշխատի»,-հայտարարել Լավրովը:

Նրա խոսքով՝ Պարսից ծոցի բոլոր երկրներն ազդեցություն ունեն իրենց թագավորությունների, Էմիրությունների սահմաններից դուրս:

«Հյուսիսային Աֆրիկայում նրանք բավականին շատ հումանիտար, տնտեսական ծրագրեր են իրականացնում։ Հանդես են գալիս որպես միջնորդներ: Օրինակ՝ Սուդանը։ Ներքին ճգնաժամն այս երկրում այս կամ այն կերպ լուծվում է Պարսից ծոցի որոշ խաղացողների կողմից։ Ուստի, կարծում եմ, իրավիճակը, որի դեպքում բոլորը, բացի Իրանից, իրավունք կունենան ազդել տարածաշրջանի մյուս երկրների վրա, անիրականանալի սցենար է»,- եզրափակել է նա: