ԱՄՆ-ի և Ուկրաինայի բանակցությունները շրջադարձային կետ կլինեն. Գերմանիայի ԱԳՆ

Սաուդյան Արաբիայում ԱՄՆ-ի և Ուկրաինայի բանակցությունները շրջադարձային կետ կլինեն խաղաղության ճանապարհին: Այս մասին հայտարարել է Գերմանիայի արտաքին գործերի նախարար Աննալենա Բերբոքը:

«Ուկրաինայի և Միացյալ Նահանգների միջև այսօրվա բանակցությունների արդյունքը կարող է կարևոր շրջադարձային կետ դառնալ Ուկրաինայի կայուն խաղաղության և անվտանգության ձգտման մեջ, Գերմանիան, մեր գործընկերների հետ, կաջակցի ուկրաինացի ժողովրդին այս ճանապարհին»,- գրել է նա X-ի էջում:

Երեքշաբթի օրը Ջիդդայում  բանակցություններ են տեղի ունեցել ԱՄՆ-ի և Ուկրաինայի պատվիրակությունների միջև։ Դրանք տևել են մոտ ինը ու կես ժամ։

Բանակցությունների արդյունքում Վլադիմիր Զելենսկիի կայքում հրապարակվել է կողմերի համատեղ հայտարարությունը, ըստ որի՝ Ուկրաինան պատրաստ է ընդունել 30-օրյա հրադադարի մասին ԱՄՆ-ի առաջարկը, իսկ Վաշինգտոնն անհապաղ կչեղարկի հետախուզության տրամադրման դադարը և կվերսկսի Կիևին օգնություն տրամադրելը։