Բախումներ Սիրիայում` Ասադի աջակիցների և կառավարական ուժերի միջև
Սիրիայում բախումներ են սկսվել կառավարական ուժերի և ալավիական ջոկատների միջև, որոնք աջակցում են նախկին նախագահ Բաշար Ասադին։
Նախկին նախագահի կողմնակիցները երեք հարձակում են իրականացրել «Հայաթ Թահրիր ալ-Շամ»-ի դեմ, որը երկրում իշխանության է եկել անցյալ տարվա դեկտեմբերին:
Սպանվել է ներկայիս պաշտպանության նախարարության և անվտանգության գլխավոր տնօրինության առնվազն 16 անդամ։ Զոհերի և վիրավորների ստույգ թիվը հայտնի չէ։
