Հայտնի Է Ուկրաինայի հարցով բանակցությունների համար ԱՄՆ-ի ներկայացուցչի անունը
Ուկրաինայի հարցով Ռուսաստանի հետ բանակցային խմբում ԱՄՆ-ն իր ներկայացուցիչն է ընտրել Դոնալդ Թրամփի հատուկ դեսպանորդ Քիթ Քելլոգին։ Այդ մասին հայտնել է ՌԴ նախագահի օգնական Յուրի Ուշակովը։
Ուշակովի խոսքով՝ Քելլոգը կապ կպահպանի Կիևի և Եվրոպայի հետ, իսկ Միացյալ Նահանգները հատուկ ներկայացուցիչների խումբ կհատկացնի ռուս-ամերիկյան բանակցությունների համար։
Հաղորդվում է, որ Քելլոգն այսօր երեկոյան կմեկնի Ուկրաինա։
Ավելի վաղ Ռուսաստանի և ԱՄՆ-ի պատվիրակությունները բանակցություններ են անցկացրել Ուկրաինայի հակամարտության շուրջ: Կողմերը քննարկել են երկկողմ հարաբերությունների կարգավորումը, նախագահներ Վլադիմիր Պուտինի և Դոնալդ Թրամփի բանակցությունների նախապատրաստումը և պայմանավորվել ապագայում հաշվի առնել միմյանց շահերը միջազգային ասպարեզում:
Լավրովը հայտարարել էր, որ Ռուսաստանն ու ԱՄՆ-ը պայմանավորվել են, որ մոտ ժամանակներս կձևավորվի Ուկրաինական կարգավորման գործընթաց, նշանակվել են բանակցողներ
