Գուցե քննարկեն իրե՞նց օրհասական խնդիրները. Զախարովա

Ավելի լավ կլիներ` Հյուսիսային Եվրոպայի երկրները մտահոգվեին Գրենլանդիայի ճակատագրով, ոչ թե Ուկրաինայի։ Telegram–ի իր ալիքում կարծիք է հայտնել ՌԴ ԱԳՆ պաշտոնական ներկայացուցիչ Մարիա Զախարովան։

««Ֆինլանդիայի վարչապետը խորհրդարանի նիստ է հրավիրել` քննարկելու Ուկրաինայի հարցը»,– հայտնել է «Helsingin Sanomat» թերթը։ «Շվեդիայում այսօր ևս պատգամավորներին նիստի են կանչում։ Թեման նույնն է` Ուկրաինա»,– գրում է «Aftonbladet»–ը», – գրել է Զախարովան և հավելել․ «Գուցե Հյուսիսային Եվրոպայի երկրները քննարկեն իրե՞նց օրհասական խնդիրները` Գրենլանդիա՞ն, գոնե «միաժամանակ»»։

Հիշեցնենք` նախորդ տարվա վերջին ԱՄՆ նախագահ Դոնալդ Թրամփը հայտարարել էր, որ ԱՄՆ-ի համար «բացարձակ անհրաժեշտություն» է Գրենլանդիային տիրանալը։