Իլոն Մասկը զարմացել է 13-րդ երեխայի մասին լուրերից

Ամերիկացի ձեռնարկատեր Իլոն Մասկը բավականին զուսպ ու հակիրճ է արձագանքել իր 13-րդ երեխայի ծննդյան մասին լուրերին։ Նոր զավակի լույս աշխարհ գալու մասին սոցցանցային մեկնաբանությունները միլիարդատերը պատասխանել է կարճ ձայնարկությամբ:

«Վայ (Whoa)», - գրել է Մասկը X–ի իր էջում՝ ի պատասխան մի մեկնաբանության, ըստ որի՝ կինը գործարարին ծուղակը գցելու տարիների ծրագիր է ունեցել:  

Սենտ Քլերը պատասխանել է՝ քննադատելով աշխարհի ամենահարուստ մարդուն «զրպարտությանը» հրապարակայնորեն արձագանքելու համար:

«Իլոն, մենք վերջին օրերին փորձում էինք շփվել, բայց դու չես արձագանքել։ Ե՞րբ ես պատասխանելու մեզ, հրապարակավ արձագանքելու փոխարեն մի մարդու զրպարտությանը, ով պարզապես իմ ներքնազգեստով նկարներն է տեղադրել, որտեղ ես 15 տարեկան էի»:

New York Post–ի հաղորդմամբ՝ Մանհեթենում բնակվող Սենտ Քլերը դայակի օգնությամբ մեծացնում է իր երկու երեխաներին, այդ թվում՝ Իլոն Մասկի ենթադրյալ երեխային:

Նախօրեին հայտնի էր դարձել, որ ամերիկացի ակտիվիստ և բլոգեր Էշլի Սենտ Քլերը երեխա է լույս աշխարհ բերել Մասկից, ով ժամանակին եղել է նրա ղեկավարը։ Համենայնդեպս, ինքը՝ նորաթուխ մայրիկը, պնդում է, որ իր զավակի հայրը, ով ծնվել է 5 ամիս առաջ, Իլոն Մասկն է։