Հայտնի է դարձել ԱՄՆ-ի կողմից Մեքսիկա արտաքսված միգրանտների թիվը
ԱՄՆ իշխանությունները Դոնալդ Թրամփի պաշտոնավարման 18 օրերի ընթացքում Մեքսիկա են արտաքսել մոտ 11 հազար միգրանտների։
Այս մասին ամենօրյա մամուլի ասուլիսի ժամանակ հայտարարել է Մեքսիկայի առաջնորդ Կլաուդիա Շեյնբաումը, փոխանցում է ՏԱՍՍ-ը։
«8425 մեքսիկացիներ և 2539 այլ երկրների քաղաքացիներ»,- ասել է Մեքսիկայի նախագահը հունվարի 20-ից ԱՄՆ-ից արտաքսված միգրանտների թվի մասին խոսելով, որոնց երկիրը ընդունել է:
Նա հավելել է, որ թռիչքներ են կազմակերպվում այլ երկրների քաղաքացիների հայրենադարձման համար։
