Էրդողանը՝ Գազայում հրադադարի պահպանման մասին
Գազայում հրադադարը պետք է լինի մշտական, և դրա պատասխանատվությունը կրում է միջազգային հանրությունը։ Այս մասին Անկարայում հայտարարել է Թուրքիայի նախագահ Ռեջեփ Թայիփ Էրդողանը Գերմանիայի նախագահ Ֆրանկ-Վալտեր Շտայնմայերի հետ բանակցություններից հետո։
«Մենք բոլորս մեծ պատասխանատվություն ունենք պահպանելու Գազայի հատվածում հայտարարված հրադադարը։ Որպես միջազգային հանրություն՝ մենք պետք է շարունակենք մեր ջանքերը՝ երկու պետությունների միջև առաջացած խնդրին լուծում տալու համար», - ասել է թուրք առաջնորդը։
Էրդողանի խոսքով՝ Թուրքիան կշարունակի համագործակցել Գերմանիայի հետ Սիրիայի վերականգնման և Ուկրաինայում և Գազայի հատվածում հակամարտությունների կարգավորման հարցերում։ «Մենք ցանկանում ենք, որ Սիրիան լինի կայուն խաղաղություն և բարգավաճում ունեցող երկիր: Հուսով եմ, որ Գերմանիան անհրաժեշտ աջակցություն կցուցաբերի Սիրիայի վերականգնմանն ուղղված Թուրքիայի ջանքերին», - ասել է Թուրքիայի նախագահը։
