Սկանդալ Գրեմմի ժամանակ. Քանյե Ուեսթը և նրա կինը հեռացվել են մրցանակաբաշխությունից
2025 թվականի Գրեմմի մրցանակաբաշխության ժամանակ սկանդալ է ծագել ռեփեր Քանյե Ուեսթի կնոջ՝ մոդել և դիզայներ Բիանկա Ցենսորիի պատճառով։ Պատճառը նրա բացահայտ հանդերձանքն էր՝ Բիանկան միջոցառմանը ներկայացել էր մարմնագույն ամբողջովին թափանցիկ զգեստով՝ առանց ներքնազգեստի, ինչն առաջացրել էր կազմակերպիչների և հյուրերի վրդովմունքը։
Ինչպես նշում է Daily Mail-ը, զույգը մրցանակաբաշխությանը հրավիրված չի եղել։ Բիանկան, դուրս գալով կարմիր գորգի վրա, ցուցադրել է մերկ կուրծքն ու ներքնազգեստի բացակայությունը, ինչը գրավել է բոլորի ուշադրությունը։ Նրա ամուսինը, ընդհակառակը, ընտրել է համեստ սեւ կոստյում ու մուգ ակնոց։
Սկանդալային ելքից հետո կազմակերպիչները խնդրել են զույգին լքել միջոցառումը։ Ավելի ուշ նրանց ուղեկցել են ոստիկանության բաժին՝ բացատրություն տալու։ Միջադեպը դարձավ 2025 թվականի Գրեմմիի ամենաքննարկվող պահերից մեկը:
