ԱՄՆ-ի և Մեքսիկայի միջև բարձր մաքսատուրքերը մեկ ամսով կասեցվել են
ԱՄՆ-ի և Մեքսիկայի միջև բարձր մաքսատուրքերը մեկ ամսով կասեցվել են։ Այս մասին ԱՄՆ նախագահ Դոնալդ Թրամփի հետ զրույցից հետո X սոցիալական ցանցի իր էջում հայտնել է Մեքսիկայի նախագահ Կլաուդիա Շայնբաումը։
Պետությունների ղեկավարները ձեռք են բերել մի շարք պայմանավորվածություններ։ Այսպիսով, Մեքսիկան անհապաղ կամրապնդի իր հյուսիսային սահմանն Ազգային գվարդիայի 10 000 զինծառայողով՝ կանխելու թմրանյութերի մաքսանենգությունն ԱՄՆ:
Միևնույն ժամանակ, Միացյալ Նահանգները պարտավորվում է աշխատել Մեքսիկա խոշոր զենքի մաքսանենգության կանխարգելման ուղղությամբ:
