Թրամփի խոստումը կկատարվի. Սպիտակ տուն

ԱՄՆ նախագահ Դոնալդ Թրամփը չի հրաժարվել փետրվարի 1-ից Մեքսիկայից, Կանադայից և Չինաստանից ապրանքների վրա լրացուցիչ մաքսատուրքեր սահմանելու մտադրությունից, հայտարարել է Սպիտակ տան մամուլի քարտուղար Քերոլայն Լևիտը։

 «Վաղը՝ փետրվարի 1-ին, վերջնաժամկետն է, որն ավելի վաղ հայտարարել էր նախագահ Թրամփը: Վաղը նա 25 տոկոս մաքսատուրք կսահմանի Մեքսիկայի և Կանադայի համար, իսկ 10 տոկոս՝ Չինաստանի համար», - ասել է Լևիտը ճեպազրույցում:

 Նրա խոսքով, «խոստումը տրվել է և կկատարվի»։