Սպիտակ տունը հրապարակել է Մելանյա Թրամփի պաշտոնական լուսանկարը
Միացյալ Նահանգների 47-րդ նախագահ Դոնալդ Թրամփի երդմնակալությունից մեկ շաբաթ անց Սպիտակ տունը հրապարակել է առաջին տիկնոջ պաշտոնական լուսանկարը։ Այն հրապարակվել է Մելանյա Թրամփի պաշտոնական օգտահաշիվներում, ինչպես նաև Սպիտակ տան և նախագահի էջերում:
Սև ու սպիտակ լուսանկարում 54-ամյա Մելանյա Թրամփը կրում է տղամարդու սմոքինգի օրինակով կարված Dolce & Gabbana-ի սև տաբատով և կոստյում: Նա կանգնած է Սպիտակ տան Դեղին օվալաձև աշխատասենյակում՝ ձեռքերը դրած գրասեղանին:
Լուսանկարն արվել է երդմնակալության հաջորդ օրը։ Դրա հեղինակը բելգիացի լուսանկարիչ Ռեժին Մաոն է։
