150 դրամ՝ մեկ ուղևորության համար․ Ավինյան

Vika B. 829 դիտում

28.01.2025 20:15

Երևանի քաղաքային իշխանությունները որոշել են մեկ ուղևորության արժեքը հիմա էլ 150 դրամ սահմանել։ Այս մասին քաղաքապետ Տիգրան Ավինյանը հայտնել է իր ֆեյսբուքյան էջում հրապարակված տեսանյութում։

Այս սակագինը, վստահեցնում է Ավինյանը, կգործի ամբողջ 2025 թվականի ընթացքում, իսկ հաջորդող տարիներին կարող է բարձրանալ առավելագույնը 10 դրամով՝ յուրաքանչյուր տարվա համար։

«Մենք որոշել ենք հունվար և փետրվար ամիսներին ձեռք բերված անսահմանափակ ուղևորությունների փաթեթների ժամկետները երկարացնել ևս մեկ ամսով»,- ասել է Ավինյանը։

Ըստ նրա՝ սակագնի այս բարձրացումը քաղաքային իշխանություններին թույլ կտա լուծել տարբեր խնդիրներ, օրինակ, նոր կանգառասրահներ տեղադրել և այլն։

Մանրամասները` տեսանյութում: