Ադրբեջանը կարող է մասնակցել Թուրքիայի ռազմական գործողություններին

Ադրբեջանը կարող է մասնակցել Սիրիայի քրդերի դեմ Թուրքիայի ռազմական գործողությանը։ Այս մասին գրում է Turan պարբերականը:

Հաղորդվում է, որ Ադրբեջանի պաշտպանության փոխնախարար, հատուկջոկատայինների նախկին հրամանատար Հիքմեթ Միրզոևի գլխավորած պատվիրակությունը ժամանել է թուրք-սիրիական սահման՝ Քիլիս, հանդիպել թուրքական բանակի հատուկ ուժերի հրամանատարության հետ:

Լրատվամիջոցը հավելում է, որ ավելի վաղ Ադրբեջանի ղեկավարությունը հայտարարել էր, որ Թուրքիայի հետ միասին կմասնակցի Սիրիայի վերականգնմանը, որ, ինչպես գրում են լրատվամիջոցները, Հիքմեթ Միրզոևի այցը կարող է վկայել Սիրիայում ռազմական գործողություններին մասնակցելու` Բաքվի մտադրության մասին։