Ադրբեջանը կմասնակցի Վրաստան-ՆԱՏՕ զորավարժություններին, իսկ Հայաստանը կլինի դիտորդ
Վրաստանի և ՆԱՏՕ-ի երկրների զինծառայողների հրամանատարաշտաբային վարժանքները կանցկացվեն ապրիլի 28-ից մայիսի 8-ը Թբիլիսիի մերձակայքում գտնվող Կրծանիսի Վրաստան-ՆԱՏՕ համատեղ ուսուցման և գնահատման կենտրոնի (JTEC) տարածքում։ Այս մասին հայտնում են Թբիլիսիում Իտալիայի դեսպանատնից, փոխանցում է ՏԱՍՍ-ը։
Հաղորդագրությունում, մասնավորապես, ասվում է․ «Վրաստանում Իտալիայի դեսպան Մասիմիլիանո Դ’Անտուոնոն հանդիպել է Վիտորիո Վենետո դիվիզիայի զինծառայողների պատվիրակության հետ, ովքեր այսօր Թբիլիսիում ավարտել են «Վրաստան-ՆԱՏՕ-2025» զորավարժությունների նախապատրաստման երկրորդ փուլը։
Զորավարժությունները կանցկացվեն ապրիլի 28-ից մայիսի 8-ը։ Կրծանիսի Վրաստան-ՆԱՏՕ համատեղ ուսուցման և գնահատման կենտրոնի (JTEC) տարածքում»։
Ըստ դեսպանատան հաղորդագրության, զորավարժությունների նպատակն է ստուգել Համատեղ ուսուցման և գնահատման կենտրոնի հնարավորությունները և փորձարկել բրիգադը, որը հիմնականում վրացական է, բայց ներառում է նաև միջազգային զինվորականներ։
Զորավարժություններին կմասնակցեն նաև զինվորականներ Ադրբեջանից, Ալբանիայից, Բուլղարիայից, Հունգարիայից, Գերմանիայից, Հունաստանից, Լեհաստանից, Սլովակիայից, ԱՄՆ-ից, Թուրքիայից և Ֆրանսիայից։ Հայաստանը զորավարժություններին կներկայացվի դիտորդի կարգավիճակով։
