Թրամփի նոր հրամանագիրը՝ կրիպտոարժույթների վերաբերյալ
ԱՄՆ նախագահ Դոնալդ Թրամփը հինգշաբթի օրը հրամանագիր է ստորագրել կրիպտոարժույթների աշխատանքային խումբ ստեղծելու մասին։ Խմբի խնդիրն է առաջարկել թվային ակտիվների նոր կանոնակարգեր և ուսումնասիրել ազգային կրիպտոարժույթների պահեստարանի ստեղծման հնարավորությունը․ հայտնում է Reuters–ը։
Հրամանագրով նաև արգելվում է ԱՄՆ-ում կենտրոնական բանկի թվային արժույթների ստեղծումը, որոնք կարող են մրցակցել գոյություն ունեցող կրիպտոարժույթների հետ։
Նախագահական քարոզարշավի ժամանակ Թրամփը խոստանում էր լինել «կրիպտոարժույթների նախագահ» և խթանել թվային ակտիվների ընդունումը։
