Սլովակիայում բողոքի ցույց է. մասնակցում են հազարավոր մարդիկ
Հունվարի 24-ի երեկոյան հազարավոր մարդիկ հավաքվել են Սլովակիայի մայրաքաղաք Բրատիսլավայի կենտրոնում՝ բողոքելով երկրի վարչապետ Ռոբերտ Ֆիցոյի քաղաքականության և Մոսկվայի հետ նրա մերձեցման դեմ։
Ակցիան կազմակերպել է «Խաղաղություն Ուկրաինայի համար» նախաձեռնությունը՝ ընդդիմադիր քաղաքական կուսակցությունների հետ համատեղ։ Նրանք պնդում են, որ դրան մոտ 60 հազար մարդ է մասնակցել։
Ցուցարարները վանկարկել են «Բավական է Ֆիցո» և «Մենք Եվրոպա ենք»։ Նախօրեին Ֆիցոն Անվտանգության խորհուրդ էր հրավիրել, քանի որ, նրա կարծիքով, երկրին սպառնում էր «գունավոր հեղափոխություն»։ Նա ընդդիմությանը մեղադրել է երկրում իշխանափոխություն ծրագրող օտար կառույցների հետ կապեր ունենալու մեջ։
2024 թվականի դեկտեմբերի վերջին Ֆիցոն գնացել էր Մոսկվա և հանդիպել Վլադիմիր Պուտինի հետ։ Ֆիցոյի այցը, ի թիվս այլ բաների, կապված էր Ուկրաինայի տարածքով ռուսական գազի տարանցման դադարեցման հետ, որի մասին Կիևը հայտարարել էր դեկտեմբերին։
