Թրամփը` ուկրաինական հակամարտությունը ավարտին հասցնելու մասին
ԱՄՆ նախագահ Դոնալդ Թրամփն Ուկրաինայի հարցով իր հատուկ բանագնաց Քիթ Քելլոգին կարգադրել է 100 օրվա ընթացքում հասնել ուկրաինական հակամարտության ավարտին: Այս մասին, գրել է Wall Street Journal-ը։
Հոդվածում նշվում է, որ «գործնականում ոչ ոք» չի կարծում, որ նա կարող է դա անել։ Նշվում է, որ ԱՄՆ նորընտիր նախագահը մտադիր է անձամբ վերահսկել Ուկրաինայի հարցով բանակցային գործընթացի առաջընթացը։
Նախօրեին Թրամփը հայտարարել էր, որ ՌԴ նախագահ Վլադիմիր Պուտինը «ոչնչացնում է» Ռուսաստանը՝ հրաժարվելով գործարք կնքել Ուկրաինայի պատերազմին վերջ տալու համար:
«Նա պետք է գործարք կնքի: Կարծում եմ՝ նա կործանում է Ռուսաստանը՝ գործարքի չգնալով: Ռուսաստանը մեծ խնդիրներ է ունենալու: Շատերը կարծում էին, որ այս պատերազմը կավարտվի մեկ շաբաթից: Կարծում եմ, որ շատ լավ կլինի, որ նա կավարտի այս պատերազմը», - ասել էր Թրամփը երդմնակալությունից հետո լրագրողների հետ զրույցում:
