Պանամայի ջրանցքը կմնա պանամական. Նախագահի պատասխանը Թրամփին
Պանամայի ջրանցքը կմնա պանամական, հայտարարել է երկրի նախագահ Խոսե Մուլինոն սոցիալական ցանցերում՝ ի պատասխան Թրամփի խոստումների։
«Աշխարհում չկա որևէ երկիր, որը խանգարում է մեր կառավարությանը: Ջրանցքը որևէ մեկի կողմից զիջում չէր: Դա սերունդների պայքարի արդյունք էր, որը գագաթնակետին հասավ 1999 թվականին Տորիյոս-Քարթերի պայմանագրով, և այդ պահից մինչ օրս մենք կառավարում ենք և օր-օրի ընդլայնում ենք այն պատասխանատու կերպով՝ ծառայեցնելով աշխարհին և առևտրին», - ավելացրել է Խոսե Մուլինոն:
Հիշեցնենք, որ Թրամփը իր երդմանակալության ելույթի ժամանակ հայտարարել է, որ ԱՄՆ-ն պետք է վերադարձնի Պանամայի ջրանցքը։
