Օրհներգը ճաշակի հարց չի․ Խաչատրյան
Այսօր «Հայաստան» խմբակցության պատգամավոր Արթուր Խաչատրյանն ԱԺ հայտարարությունների ժամին անդրադարձավ Հայաստանի Հանրապետության օրհներգի փոփոխությանը։
«Օրհներգը կարգավորվում է օրենքով՝ դա ճաշակի հարց չի, պետական սիմվոլիկան ճաշակով չի կարող լինել»,- նշել է նա։
Նշենք, որ այսօրվա նստաշրջանը սկսվել է երգչախմբի կողմից ՀՀ օրհներգի կատարմամբ: Երգչախումբը կատարեց ՀՀ օրհներգի՝ նոր փոփոխված տարբերակը:
Հիշեցնենք, որ փոփոխության առաջարկի հեղինակներից է ԱԺ նախագահ Ալեն Սիմոնյանը:
«Նույն տեքստի վերջին մասը փոփոխվի, ուղղակի չավարտվի նրանով, որ գնանք մեռնենք բոլորս։ Օրհներգը պետք է հույս տա։ Կարծում եմ, որ մենք ինչ-որ պահի պետք է մտածենք օրհներգի ամբողջությամբ այլ, հայկական տարբերակ, Հայաստանի և հայ մարդու հետ շատ ավելի շատ կապ ունեցող տարբերակ»,- ասել էր Սիմոնյանը։
