Նեթանյահուն` հակաահաբեկչական գործողության մեկնարկի մասին

Իսրայելի վարչապետ Բենյամին Նեթանյահուն հայտարարել է Հորդանան գետի Արևմտյան ափի տարածքում «երկաթե պատ» հակաահաբեկչական գործողության մեկնարկի մասին:

«Դրա նպատակը Ջենինում ահաբեկչությունն արմատախիլ անելն է»,- պարզաբանել է նա:

«Սա ևս մեկ քայլ է մեր նպատակին հասնելու համար՝ ամրապնդել անվտանգությունը Հրեաստանում և Սամարիայում: Մենք գործում ենք համակարգված և վճռականորեն ընդդեմ իրանական առանցքի, ուր էլ որ այն ուղղի իր զենքը՝ Գազայում, Լիբանանում, Սիրիայում, Եմենում, Իսրայելում և Սամարիայում»,- նշել է Նեթանյահուն:

Ինչպես հայտնել Է Իսրայելի պաշտպանության բանակը, «երկաթե պատ» գործողությունն իրականացվում է զինվորականների, ընդհանուր անվտանգության ծառայության և սահմանապահ ոստիկանության ուժերի կողմից: Գործողությունը սկսվել է ահաբեկչական խմբավորումների կողմից օգտագործվող ենթակառուցվածքներին ԱԹՍ-ի հարվածներով: