Ես չեմ կիսում «մարդկանց կաշին քերթելու» մասին կարծիքը. ՊԵԿ ղեկավար
Ես չեմ կիսում «մարդկանց կաշին քերթելու» գաղափարը։ Այս մասին հունվարի 16-ին 2024 թվականի արդյունքներով հրավիրված մամուլի ասուլիսի ժամանակ հայտարարեց ՀՀ ՊԵԿ նախագահ Էդուարդ Հակոբյանը։
Նա պարզաբանեց, որ գերատեսչությունը ներդնում է արդյունավետ հարկային մեխանիզմներ։ Ըստ նրա՝ այդ մեխանիզմները պետք է հասկանալ որպես վերլուծական գործիքների կատարելագործում, թվայնացում, ընթացակարգերի պարզեցում։
Հակոբյանը հայտարարեց, որ մտադիր է օգտագործել այդ մեխանիզմները բարենպաստ տնտեսական միջավայր ստեղծելու համար։
«Ինչ վերաբերում է հարկերի բարձրացմանը, ապա այս որոշումը մշակվել և ընդունվել է կառավարության մակարդակով և ուժի մեջ կմտնի այս տարվանից։ Դա (հարկային – խմբ.) վարչարարության հետ կապ չունի, դա քաղաքականության հարց է»,- նշել է պաշտոնյան։
