Եմենի հութիները պնդում են, որ թևավոր հրթիռով խոցել են Իսրայելի ՀԷԿ-երից մեկը
Շիա ռազմաքաղաքական «Անսար Ալլահ» շարժումը (հութիներ), որը կառավարում է Եմենի հյուսիսը, հայտարարել է, որ հարձակվել է Իսրայելի հարավում `Էյլաթում գտնվող էլեկտրակայանի վրա թևավոր հրթիռով, իսկ Թել Ավիվը՝ անօդաչու սարքերով:
«Մենք ռազմական գործողություն ենք իրականացրել օկուպացված Պաղեստինի հարավում գտնվող Ում ալ Ռաշրաշում (Էյլաթ-խմբ.) հակառակորդի էլեկտրակայանի դեմ՝ օգտագործելով թևավոր հրթիռ», - ասվում է հութիների զինված ուժերի հայտարարության մեջ, որը հեռարձակվել է «Ալ Մասիրա» հեռուստաալիքով:
«Մենք նաև բարձրորակ ռազմական գործողություն ենք իրականացրել օկուպացված Յաֆայում (Թել Ավիվ) իսրայելական թշնամու թիրախների դեմ՝ օգտագործելով մի շարք անօդաչու սարքեր: Երկու գործողություն հաջողությամբ հասել են իրենց նպատակներին»,- ասվում է հայտարարության մեջ։
Հութիներն ուժեղացրել են հարձակումները Իսրայելի տարածքի վրա այն բանից հետո, երբ ուրբաթ օրը ԱՄՆ-ի և Իսրայելի կործանիչները նոր հարվածներ հասցրեցին Եմենին, թիրախավորելով մայրաքաղաքի գլխավոր էլեկտրակայանը և երկրի արևմուտքում գտնվող նավթային նավահանգիստը:
