Որքան է կազմել Ուկրաինային տրամադրված ռազմական օգնության ընդհանուր ծավալը. Պենտագոն
Ռուսական հատուկ ռազմական գործողության մեկնարկից ի վեր ԱՄՆ-ի և դաշնակիցների կողմից Ուկրաինային տրամադրված ռազմական օգնության ընդհանուր ծավալը գերազանցել է 126 միլիարդ դոլարը, ասել է ԱՄՆ պաշտպանության նախարարության բարձրաստիճան պաշտոնյան։
«2022 թվականի փետրվարի 24-ից մինչ օրս Միացյալ Նահանգները, դաշնակիցները և գործընկերները միասին ավելի քան 126 միլիարդ դոլարի աջակցություն են ցուցաբերել Ուկրաինային անվտանգության համար», - ասել է նա լրագրողներին ճեպազրույցի ժամանակ:
Ռուսաստանը կարծում է, որ Ուկրաինային զենքի մատակարարումները խանգարում են կարգավորմանը, ուղղակիորեն ներքաշում են ՆԱՏՕ-ի երկրներին հակամարտության մեջ և «կրակի հետ են խաղում»։ Ռուսաստանի արտգործնախարար Սերգեյ Լավրովը նշել է, որ ցանկացած բեռ, որը զենք է պարունակում Ուկրաինայի համար, օրինական թիրախ կդառնա Ռուսաստանի համար։ Նրա խոսքով, ԱՄՆ-ն ու ՆԱՏՕ-ն անմիջականորեն ներգրավված են հակամարտությունում, այդ թվում՝ ոչ միայն զենք մատակարարելով, այլև Մեծ Բրիտանիայում, Գերմանիայում, Իտալիայում և այլ երկրներում կադրեր պատրաստելով։ Կրեմլը հայտարարել է, որ Ուկրաինային Արևմուտքից զենք մատակարարելը չի նպաստում բանակցություններին և բացասական ազդեցություն կունենա։
