ԱՄՆ-ն պետք է առաջին քայլը անի Ռուսաստանի հետ հարաբերությունները վերականգնելու համար․ Լավրով

Ռուսաստանը բաց է ԱՄՆ-ի հետ քաղաքական երկխոսությունը վերականգնելու համար։ Այս մասին ՏԱՍՍ-ին տված հարցազրույցում հայտարարել է ՌԴ ԱԳ նախարար Սերգեյ Լավրովը։

«Ինչ վերաբերում է ռուս-ամերիկյան հարաբերությունների հեռանկարին, եթե ԱՄՆ-ը պատրաստ է, մենք բաց ենք Վաշինգտոնի կողմից ընդհատված քաղաքական երկխոսության վերականգնման համար», – ասել է Լավրովը։

Միաժամանակ Լավրովը նշել է, որ Վաշինգտոնը պետք է անի առաջին քայլը։

«Միգուցե ինչ-որ մեկը դեռևս ինչ-որ պատրանքներ ունի, ես դրանք վաղուց չունեմ, դատեք ինքներդ, նույնիսկ եթե ԱՄՆ նորընտիր նախագահ Դոնալդ Թրամփը փորձի վերականգնել երկկողմ կապերը, նա ստիպված կլինի լողալ ալիքի դեմ՝ հաշվի առնելով ԱՄՆ-ում առկա է երկկուսակցական կոնսենսուս Ռուսաստանին զսպելու հարցում, այդ թվում՝ Կիևի նեոնացիստական ​​ռեժիմին աջակցելու միջոցով։

Այսպիսով, մենք կտեսնենք, եթե ամերիկացիները հաշվի առնեն մեր շահերը, ապա երկխոսությունը հետզհետե կվերականգնվի, եթե դա հաշվի չառնեն, ապա ամեն ինչ կմնա այնպես, ինչպես կա»,- նշել է ՌԴ ԱԳՆ ղեկավարը։