Բայդենը ստորագրել է կառավարության ֆինանսավորումը երկարաձգող օրենքը
ԱՄՆ նախագահ Ջո Բայդենը ստորագրել է օրենք, որը ժամանակավորապես երկարաձգում է դաշնային կառավարության ֆինանսավորումը, ասվում է Սպիտակ տան կայքում տեղադրված հաղորդագրության մեջ։ Փաստաթուղթը կապահովի ԱՄՆ կառավարության գործունեությունը մինչև 2025 թվականի մարտի 14-ը։
Ստորագրված օրենքը նախատեսում է ավելի քան 100 միլիարդ դոլարի հատկացում բնական աղետների հետեւանքների վերացման համար։ ԱՄՆ Սենատն այն ուշացմամբ ընդունեց, ինչի պատճառով կառավարությունը պաշտոնապես փակվեց։
Մինչ այս օրինագիծն ընդունել էր նաեւ Ներկայացուցիչների պալատը։ Փաստաթղթին կողմ է քվեարկել 366 մարդ, դեմ՝ 34-ը։ ԱՄՆ նորընտիր նախագահ Դոնալդ Թրամփի՝ պետական պարտքի առաստաղը բարձրացնելու պահանջը հանվել է փաստաթղթից։ Նա պահանջել է, որ իր կուսակցությունը չհամաձայնի գործարքին, քանի դեռ այն չի ներառում առաստաղի բարձրացումը:
