ԼՈՒՍԱՆԿԱՐՆԵՐ. Հնէաբաններն անապատում գտել են 7000 տարվա «այլմոլորակայինի գլուխ»

Քուվեյթի Բահրա անապատային տարածքում պեղումների ժամանակ հնէաբանների խումբը հայտնաբերել է տարօրինակ արտեֆակտ, որը մոտավորապես 7 հազար տարեկան է: Դա փոքրիկ կավե արձանիկ է, որը հիշեցնում է այլմոլորակայինի երկարացած գլուխ՝ թեք աչքերով և կտրած քթանցքներով։ Այս մասին հայտնում է Live Science-ը։

Արձանիկի հայտնաբերումը կատարյալ անակնկալ էր ողջ թիմի համար, հրատարակությանն ասել է արշավախմբի ղեկավար Ագնեշկա Շիմչակը։ Սա առաջին նման բացահայտումն է Պարսից ծոցի տարածաշրջանում։ Հետազոտողները նաև ասում են, որ արձանի նպատակը դեռևս չի պարզվել, այն կարող էր ծիսական բնույթ ունենալ: