Կգամ Հայաստան և այս գումարով միանգամից երեքը կգնեմ. Լապշին
Հաճելի անակնկալ՝ հայկական հյութեր և կոմպոտներ Իսրայելի հարավում գտնվող Բեեր Շևայի մարզային քաղաքի բնակելի թաղամասում գտնվող փոքրիկ սուպերմարկետում։ Այս մասին ֆեյսբուքյան իր էջում գրել է բլոգեր Ալեքսանդր Լապշինը:
«Երկար ժամանակ կանգնած էի իմ սիրելի ապրանքների առաջ և կասկածում էի՝ գնել դրանք, թե ոչ։ Հյութի գինն ամենևին էլ հաճելի չէր՝ մեկ շիշը 21,90 շեքել (6 դոլար կամ 2450 դրամ)։ Ընդամենը երկու օր առաջ հենց նույն հյութը Երևանում գնեցի 800 դրամով։ Երկու անգամ ձեռքս մեկնեց հյութին ու հետ քաշեցի։ Ես չեմ գնել այն, ինձ գումար է պետք ավելի կարևոր բաների համար: Ես կգամ Հայաստան և այս գումարով միանգամից երեք հյութ կգնեմ։
Բայց նույնիսկ ամենահեռավոր երկրներում՝ փոքրիկ մարզային քաղաքներում հայկական արտադրանքի առկայության փաստն ինքնին ուրախալի է»,- գրել է նա:
