ՍԱՏՄ-ն կրկին այցելել է Խորենացի փողոցում գործող մսի շուկա

ՍԱՏՄ աշխատակիցներն այսօր՝ դեկտեմբերի 20-ին կրկին այցելել են Խորենացի փողոցում գործող մսի իրացման շուկա: Այս մասին հայտնում է NEWS.am-ը: 

Հիշեցնենք, որ ուղիղ մեկ շաբաթ առաջ՝ դեկտեմբերի 13-ին Երեւանի Խորենացի փողոցում գործող մսի իրացման շուկայում, որտեղ ՍԱՏՄ ներկայացուցիչները կարմիրբերետավորների հետ առգրավել էին մսավաճառների միսը, լարված իրավիճակ էր ստեղծվել:

Քաշքշոց էր սկսվել ոստիկանների եւ մսավաճառների միջեւ: Մսավաճառներից մեկը հանել էր կրակայրիչը եւ ցանկացել էր վառել իրեն: Արդյունքում 8 մսավաճառներ բերման էին ենթարկվել:

Ավելի ուշ ՍԱՏՄ-ից հայտարարություն էր տարածել, որ այրել են մոտ մեկ տոննա առգրավված միս: