Սոչիում պայթյուններ են լսվել․ մանրամասներ
Սոչիում բնակիչները պնդում են, որ հակաօդային պաշտպանության համակարգն է աշխատել, հայտնում է SHOT-ի թելգրամյան ալիքը։
Ինչպես հայտնում է SHOT-ը՝ վկայակոչելով ականատեսներին, անցած գիշեր Սոչիի Լազարևսկի թաղամասում 4-5 պայթյուն է որոտացել։ Բարձր ձայների մասին գրել են նաև Վարդանե գյուղի բնակիչները:
Նախնական տվյալներով՝ Սև ծովի ջրատարածությունում անօդաչու թռչող սարքի դեմ գործել է հակաօդային պաշտպանությունը։ Ավերածությունների և զոհերի մասին պաշտոնական տեղեկություն չկա։
Աղբյուրը գրում է նաև, որ հակաօդային պաշտպանության ուժերը գիշերը Սև ծովի ջրատարածության վրա 13 անօդաչու թռչող սարք են ոչնչացրել, մեկական ԱԹՍ էլ՝ Ռուսաստանի Կուրսկի և Բելգորոդի մարզերի տարածքներում։
