ՀՕՊ համակարգերը պատրաստ են ոչնչացնել դրանք․ Թուրքիան զգուշացնում է
Թուրքիայի գլխավոր շտաբը հրաման է ստացել խոցել իսրայելական ավիացիան` երկրում արգելված Քրդստանի բանվորական կուսակցության (ՔԲԿ) զինյալներին աջակցելու դեպքում։ Այս մասին հայտնում է «ՌԻԱ Նովոստին»՝ հղում անելով «Թուրքիայի ձայնը» լրատվամիջոցին։
«Թուրքիան զգուշացնում է, որ ցանկացած պարագայում թույլ չի տա SDF-ի մաս կազմող ՔԲԿ/YPG ահաբեկիչներին աջակցել իսրայելական օդուժի կամ այլ կառույցների կողմից: Նման գործողությունների դեպքում ՀՕՊ համակարգերը և կործանիչները պատրաստ են ոչնչացնել դրանք։ Համապատասխան հրամաններն արդեն փոխանցվել են Թուրքիայի ԶՈւ գլխավոր շտաբին», - հայտնել է ԶԼՄ-ի աղբյուրը։
Այս պահի դրությամբ Թուրքիայի իշխանություններն այս թեմայով պաշտոնական հայտարարություններ դեռ չեն տարածել։
Թուրքիայի ԱԳՆ-ն դատապարտել է Սիրիայի տարածքում Իսրայելի առաջխաղացումը։
