Թուրքիայում հերքել են սիրիական տարածքները միացնելու Էրդողանի մտադրությունը

Թուրքիայի նախագահ Թայիփ Էրդողանը չի խոսել Սիրիայի քաղաքները hանրապետությանը միացնելու մասին։ Այս մասին "ՌԻԱ Նովոստի"- ին հայտնել են Անկարայում դիվանագիտական աղբյուրները:

Նշվում է, որ Թուրքիայի առաջնորդը միայն բարձրացրել է այդ տարածաշրջանների հետ եղբայրական հարաբերությունների հարցը:

Մինչ այդ հաղորդվել էր, որ Էրդողանը Սաքարիայում իր կուսակցության անդամների առջև կայացած ժողովի ժամանակ հայտարարել է, որ սիրիական հինգ քաղաքները, այդ թվում` խոշոր քաղաքները` Հալեպը և Դամասկոսը, կվերափոխվեն Թուրքիայի Նահանգների:

Դեկտեմբերի 13-ին Էրդողանը հայտարարել էր, որ Անկարան ակնկալում է, որ Սիրիայի ժամանակավոր կառավարությունը «ճիշտ քայլեր» կձեռնարկի և սպառնալիք չի դառնա հարևան երկրների համար:

Դեկտեմբերի 11-ին Սիրիայի նախարարների կաբինետը, որը ենթարկվում էր երկրի տապալված նախագահ Բաշար Ասադին, բոլոր գործերը հանձնել է անցումային կառավարությանը: Հանրապետության նախկին վարչապետ Մուհամմեդ Գազի Ալ-Ջալալին ընդգծել է, որ գործընթացը «հարթ է անցել»:

Ավելի վաղ Էրդողանն անհրաժեշտ էր համարել Եվրամիության մասնակցությունը Սիրիայի կարգավորմանը: