Թուրքիան դեսպանատուն կբացի Դամասկոսում
Թուրքիայի արտգործնախարար Հաքան Ֆիդանը հայտարարել է, որ թուրքական պատվիրակությունը մեկնել է Դամասկոս՝ դեսպանատան աշխատանքի մեկնարկի համար: Այս մասին գրում է РИА Новости–ն:
Նշվում է, որ ենթադրաբար, դեսպանատան աշխատանքը կսկսվի շաբաթ օրը։
Ֆիդանը ավելի վաղ ասել էր, որ Անկարան պատրաստվում է վերաբացել Սիրիայում իր դեսպանատունը։ Նուաքշոտում Թուրքիայի դեսպան Բուրհան Քյորօղլուն նշանակվել է Դամասկոսում դեսպանատան գործերի ժամանակավոր հավատարմատար, ավելի վաղ հայտնել էր A Haber հեռուստաալիքը։
