ՌԴ–ն բանակցություններ է վարում Սիրիայի նոր իշխանությունների հետ. ԶԼՄ

Ռուսաստանը բանակցում է սիրիական նոր իշխանությունների հետ երկրի տարածքում իր երկու ռազմակայանները պահպանելու շուրջ: Այս մասին գրում է ТАСС–ի աղբյուրը: 

Հիշեցնենք, որ ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ Սիրիայում տեղի ունեցածը նաև Ռուսաստանին է անակնկալի բերել"

«Տեղի ունեցածն ընդհանուր առմամբ թերևս ողջ աշխարհին է զարմացրել, մենք էլ տվյալ դեպքում բացառություն չենք», - ասել է Կրեմլի խոսնակը։

Պեսկովի փոխանցմամբ, Ռուսաստանի նախագահ Վլադիմիր Պուտինն «այս կամ այն կերպ շարունակելու է» խորհրդակցությունները Թուրքիայի և Իրանի առաջնորդների հետ՝ Սիրիայի իրավիճակի հարցով։