Պուտինը գեներալ-լեյտենանտի կոչում է շնորհել չեչենական «Ախմատի» հրամանատարին

ՌԴ նախագահ Վլադիմիր Պուտինը բարձրացրել է Չեչնիայի հատուկ նշանակության ջոկատի հրամանատար Ապտի Ալաուդինովի կոչումը, ով պատասխանատու էր Կուրսկի ուղղության համար։ Այս մասին գրում է BBC-ի ռուսական ծառայությունը։

Նշվում է, որ  ՌԴ նախագահ Վլադիմիր Պուտինը բանակի գեներալի կոչում է շնորհել պաշտպանության երկու փոխնախարարների՝ Յունուս-Բեկ Եվկուրովին և Վիկտոր Գորեմիկինին։

Եվկուրովին, ի թիվս այլ բաների, հիշել են 2023 թվականի մայիսին Եվգենի Պրիգոժինի հետ իր հանդիպման համար՝ վագներականների ապստամբության ժամանակ։

Գեներալ-լեյտենանտի կոչում այժմ ունի չեչենական «Ախմատ» հատուկ նշանակության ջոկատի հրամանատար Ապտի Ալաուդինովը, ով նաև ՌԴ զինված ուժերի ռազմաքաղաքական վարչության պետի տեղակալն է։ Նա գեներալ-մայորի նախկին կոչումը ստացել է 2022 թվականի նոյեմբերին։

 Ալաուդինովի ենթակաները գտնվում էին Կուրսկի շրջանում, երբ ուկրաինական զինված ուժերը ներխուժեցին այնտեղ այս տարվա օգոստոսին։