Իսրայելը հարվածել է սիրիական ռազմական օբյեկտներին
Իսրայելի ռազմաօդային ուժերի կործանիչները հրթիռային հարվածներ են հասցրել Դամասկոսի մերձակայքում գտնվող մի քանի ռազմական օբյեկտների վրա։ Այս մասին հայտնում է Naharnet լրատվական պորտալը։
Նշվում է, որ իսրայելական ինքնաթիռները հարձակվել են սիրիական ռազմական ճամբարների վրա՝ Թել Մնին եւ Խֆեյր շրջաններում, որոնք գտնվում են Սիրիայի մայրաքաղաքից արեւմուտք գտնվող ալ-Քալամուն լեռնային շրջանում։
Ականատեսները հայտնել են պայթյունների և ռմբակոծության վայրից բարձրացող ծխի սյուների մասին: Զոհերի և վիրավորների մասին տեղեկություններ չկան։
Պորտալի տվյալներով՝ դեկտեմբերի 8-ից Դամասկոսում նոր կառավարության իշխանության գալուց ի վեր Իսրայելը ավելի քան 400 օդային հարձակում է իրականացրել 13 նահանգների թիրախների ուղղությամբ։
