Արգենտինայի նախագահն Իտալիայի քաղաքացիություն է ստացել
Արգենտինայի նախագահ Խավիեր Միլեյն ստացել է Իտալիայի քաղաքացիություն, հայտնում է Messaggero թերթը՝ հղում անելով կառավարական աղբյուրներին։
Սպասվում է, որ որոշումը կհայտարարվի Միլեի՝ Հռոմ կատարելիք այցի ժամանակ, որտեղ նա ուրբաթ երեկոյան կհանդիպի Իտալիայի վարչապետ Ջորջիա Մելոնիի հետ և շաբաթ օրը կմասնակցի Մելոնիի՝ «Իտալիայի եղբայրներ» կուսակցության միջոցառմանը:
Նախկինում Միլեյը, ինչպես գրում է Messaggero-ն, ասել էր, որ երեք քառորդով իտալացի է։ Նրա պապը՝ Կալաբրիայի հարավային շրջանից, 20-րդ դարի սկզբին գաղթել է Արգենտինա։
