Թուրքիան նախազգուշացնում է ԱՄՆ–ին
Թուրքիան նախազգուշացնելու է Միացյալ Նահանգներին Սիրիայի հյուսիսում Քուրդիստանի աշխատավորական կուսակցության (Թուրքիայում ահաբեկչական ճանաչված) ուժերի ներկայությանը վերջ տալու անհրաժեշտության մասին։ Հակառակ դեպքում Անկարան ինքը միջոցներ կձեռնարկի տարածաշրջանն ահաբեկիչներից մաքրելու համար, հայտնում է CNN Turk-ը։
Նշվում է, որ թուրքական կողմից այս ուղերձը կհնչի Անկարայում ԱԳ նախարար Հաքան Ֆիդանի և ԱՄՆ պետքարտուղար Էնթոնի Բլինքենի բանակցությունների ժամանակ, որոնք նախատեսված են դեկտեմբերի 13-ին։
«Ըստ ինձ հասած տեղեկությունների, ԱՄՆ-ին ևս մեկ անգամ միանգամայն հստակ կհայտարարվի. «Կամ դուք զբաղվեք դրանով, կամ մենք կանենք անհրաժեշտ ամեն ինչ»,- ասել է հեռուստաալիքի՝ Անկարայի բյուրոյի ղեկավար Դիջլե Ջանովան։
