Ռուսաստանը կատարել է իր առաքելությունը. Պեսկով

Ռուսաստանը ժամանակին կատարել է իր առաքելությունը՝ օգնություն ցուցաբերելով Սիրիային, մեծ ջանքեր գործադրել, մնացածն արդեն Ասադի ղեկավարած իշխանության աշխատանքն է։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը։

«Ռուսաստանը ժամանակին օգնել է Սիրիայի Արաբական Հանրապետությանը դիմակայել ահաբեկիչներին և կայունացնել իրավիճակը, երբ դա սպառնում էր ողջ տարածաշրջանին։ Եվ դրա համար շատ ջանք է գործադրել, այդ ժամանակ Ռուսաստանը կատարել է իր առաքելությունը։ Իսկ մնացածն արդեն Ասադի ղեկավարած իշխանության գործն է, Ասադի ղեկավարությունն էր աշխատում այդ երկրում, զբաղվում երկրի զարգացմամբ», - ասել է Պեսկովը՝ պատասխանելով այն հարցին, թե արդյոք Կրեմլը կարծում է, որ Մերձավոր Արևելքում Ռուսաստանի թուլացմանը նպաստել է հատուկ ռազմական գործողությունը: