Նրանք տեղում են և վերահսկում են իրավիճակը. Պեսկով

Սիրիայում ռուս զինվորականների թվի մասին Կրեմլը ոչինչ չի կարող ասել: Այս մասին հայտնել է ՌԴ նախագահի մամուլի քարտուղար Դմիտրի Պեսկովը։

«Սա ձեզ կարող են ասել միայն մեր զինվորականները, ես չեմ կարող ճշգրիտ թիվ տալ», – լրագրողներին ասել է ՌԴ նախագահի մամուլի քարտուղար Դմիտրի Պեսկովը:

Պատասխանելով Սիրիայի նոր իշխանությունների հետ Ռուսաստանի Դաշնության շփումների արդյունքների մասին հարցին՝ Կրեմլի ներկայացուցիչը նշել է, որ «դեռ շատ քիչ ժամանակ է անցել»։

«Հետևաբար, ես ավելի մանրամասն ոչինչ չեմ կարող ասել, բայց, իհարկե, մենք չենք կարող չշփվել նրանց հետ, ովքեր այժմ տեղում են և վերահսկում են իրավիճակը, քանի որ այնտեղ մեր օբյեկտներն են, առաջին հերթին մեր մարդիկ», – ընդգծել է Պեսկովը։