ՏԵՍԱՆՅՈՒԹ․ Թուրքիայում բախվել են ռազմական ուղղաթիռները․ կան զոհեր

Թուրքիայում բախվել է երկու ռազմական ուղղաթիռ։ Դրանցից մեկը կործանվել է, ինչի հետևանքով զոհվել է վեց զինծառայող. հայտնում է Arabnews-ը։

Երկրորդ ուղղաթիռը բարեհաջող վայրէջք է կատարել։ Տուժածներից 5-ը տեղում են մահացել, իսկ 6-րդը՝ հիվանդանոցում: Զոհերի թվում եղել է բրիգադային գեներալ, որը ղեկավարում էր ռազմական ավիացիոն ուսումնարանը։

«Ավիավթարը տեղի է ունեցել Իսպարտա նահանգի հարավ-արևմուտքում՝ կանոնավոր ուսումնական թռիչքների ժամանակ»,- հայտնել է տարածաշրջանի նահանգապետ Աբդուլլահ Էրինին։

Ուղղաթիռների բախման պատճառը, առայժմ հայտնի չէ։ Նահանգապետը հայտնել է, որ հետաքննություն է սկսվել:

DHA մասնավոր լրատվական գործակալությունը հայտնել է, որ UH-1 ծառայողական ուղղաթիռը ընկել է դաշտը և երկու մասի բաժանվել: Երկրորդ ուղղաթիռը վայրէջք է կատարել նրանից մոտ 400 մետր հեռավորության վրա։