10 մլն դոլար պարգև՝ Ասադի գտնվելու վայրի տեղեկությունների համար

Սիրիայում ընդդիմությունը հայտարարել է, որ 10 մլն դոլար պարգևատրում կտա Բաշար Ասադի գտնվելու վայրի տեղեկությունների համար։

Ավելի վաղ Reuters-ը գրել էր, որ Ասադը «մեծ հավանականությամբ» մահացել է ավիավթարի հետևանքով, երբ նա Դամասկոսից փախուստի է դիմել բեռնատար ինքնաթիռով: Այն Սիրիայի մայրաքաղաքի օդանավակայանից թռել է անհայտ ուղղությամբ, այնուհետև կտրուկ փոխել է ուղղությունը և անհետացել ռադարներից:  Ասադների ընտանիքը կառավարել է Սիրիան 50 տարի, որից 24-ը Բաշար Ասադն է եղել իշխանության ղեկին։

Իսկ ամբողջ երկրում մարդիկ քանդում են նախկին նախագահի հոր հուշարձանները, իսկ Դամասկոսի բնակիչները նախագահական պալատից դուրս բերում տարբեր իրեր։ Դամասկոսի կառավարական թաղամասը  զանգվածային թալանի է ենթարկվել այն բանից հետո, երբ զինյալները բացել են նախագահական նստավայրի և մոտակա տների դռները։ Իրանի դեսպանատան շենքը ևս վնասվել է. տասնյակ մարդիկ են ներխուժել եւ սկսել կոտրել կահույքն։