Սիրիայի պետական հեռուստատեսությամբ հայտարարվեց Ասադի վարչակազմի ավարտի մասին
Սիրիայի պետական հեռուստատեսությամբ հայտարարվեց Ասադի վարչակազմի ավարտի մասին։
Սիրիացի ապստամբները գրավել են Դամասկոսը և հայտարարել Բաշար Ասադի ռեժիմի տապալման մասին։ Քիչ առաջ էլ սիրիական բանակն է հայտարարել է Բաշշար ալ-Ասադի կառավարության տապալման մասին։
Տեղական Telegram ալիքները պնդում են, որ կառավարական զորքերը քաղաքացիական հագուստ են հագել և լքել դիրքերը։ Քաղաքում կրակոցները շարունակվում են, իսկ ինտերնետն աշխատում է ընդհատումներով։
Ապստամբները վերահսկողության տակ են վերցրել մայրաքաղաքի օդանավակայանը և սկսել են բանտից ազատել բանտարկյալներին։ Դատապարտվածները դուրս են եկել Դամասկոսի բանտից:
Հանրապետական գվարդիան դադարեցրել է Ասադի նստավայրի պահպանությունը: Իսկ զինյալները Սիրիայի նախագահական պալատ են մտել:
