Կիևում պայթուններ են տեղի ունեցել

Կիևում պայթյուններ են տեղի ունեցել օդային տագնապի ֆոնին։ Այս մասին հայտնում են ուկրաինական հեռուստաալիքները։ Ուկրաինայի մայրաքաղաքի քաղաքապետ Վիտալի Կլիչկոն կոչ է արել քաղաքացիներին մտնել թաքստոցներ։ Նա հայտնել է քաղաքում հակաօդային պաշտպանության համակարգերի աշխատանքի մասին:

Այսօր առավոտյան Ուկրաինայի Լուցկ և Ռովնո քաղաքներում պայթյուններ են տեղի ունեցել։ «24-րդ ալիքի» տվյալներով՝ Ուկրաինայի արևմուտքում պայթյուններից հետո տեղ-տեղ կորել է էլեկտրամատակարարումը։ Լրատվամիջոցները գրում էին Օդեսայում և Կիրովոգրադում տեղի ունեցած պայթյունների մասին։ Այդ պահին ամբողջ Ուկրաինայում Օդային տագնապ էր գործում։

Հիշեցնենք, որ ռուս զինվորականները սկսել են հարվածներ հասցնել Ուկրաինական ենթակառուցվածքներին 2022 թվականի հոկտեմբերից՝ Ղրիմի կամրջի պայթյունից անմիջապես հետո։ Այդ ժամանակից ի վեր Օդային տագնապ Է հայտարարվել պարբերաբար Ուկրաինայի տարբեր շրջաններում, հաճախ երկրի ողջ տարածքում։