Հազարավոր մարդիկ գրոհայինների առաջխաղացման պատճառով սկսել են հեռանալ Հոմսից

Մինչ գրոհայինները փորձում են ավելի առաջ շարժվել դեպի երկրի հարավ, հազարավոր բնակիչներ գիշերը փախել են Սիրիայի Հոմս քաղաքից։ Այս մասին հաղորդում է Reuters գործակալությունը։

 Գրոհայինները Սիրիայի հյուսիսում գրավել են Հալեպը, կենտրոնում՝ Համան։

Հազարավոր մարդիկ գիշերը սկսել են փախչել դեպի երկրի արևմտյան մերձափնյա շրջաններ, որոնք կառավարության վերահսկողության տակ են գտնվում ասել է «Մարդու իրավունքների սիրիական դիտարան» մոնիթորինգային կազմակերպությունը։

Մերձափնյա բնակավայրերի բնակիչներից մեկը Reuters-ին հայտնել է, որ Հոմսից սկսել են հազարավոր մարդիկ ժամանել՝ վախենալով գրոհայինների արագ առաջխաղացումից։ Սիրիայի բանակի աղբյուրներից  հայտնել են, որ գիշերը ռուսական ավիացիան ռմբակոծել է Ռուստան կամուրջը, որը դեպի Հոմս տանող գլխավոր ճանապարհն է, որպեսզի գրոհայիններն այն չօգտագործեն։

Գրոհայինները, որոնց ղեկավարում է «Հայաթ Թահրիր աշ-շամ» խմբավորումը, խոստացել են գրոհել Հոմսը, որը մայրաքաղաք Դամասկոսը կապում է երկրի հյուսիսին։ հաղորդվել էր, որ Լիբանանի և Սիրիայի սահմանին գտնվող երկու անցակետի Իսրայելն ավիահարվածներ է հասցրել։